Օպերատիվ իրավիճակը հանրապետությունում հոկտեմբերի 7-ից 8-ը (ՏԵՍԱՆՅՈՒԹ)

Ըստ ոստիկանության օպերատիվ հաղորդագրությունների ամփոփագրերի` հոկտեմբերի 7-ից 8-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 73 դեպք, որոնցից 3-ը՝ նախկինում կատարված։
Մասնավորապես՝ խարդախության՝ 16, մարմնական վնասվածք հասցնելու՝ 14, անձնական ունեցվածքի գողության՝ 7, յուրացման կամ վատնման և թմրամիջոցի հայտնաբերման՝ 4, ծեծի ու սպանության սպառնալիքի՝ 3-ական, բնակարանային գողության, շորթման և ապօրինի ծառահատման՝ 2-ական, անձի առևանգման, ավտոմեքենա փախցնելու, ապօրինի կամ կեղծ ձեռնարկատիրության, խուլիգանության, հարկերից խուսափելու, համակարգչային հանցագործության, պաշտոնեական լիազորությունների չարաշահման, պաշտոնեական կեղծիքի կամ անփութության, խաբեության կամ վստահությունը չարաշահելու եղանակով գույքային վնաս պատճառելու, բժիշկների կողմից մասնագիտական պարտականությունները ոչ պատշաճ կատարելու, արհեստավարժ մարզամրցումների և հանդիսադիր առևտրային մրցույթների մասնակիցներին ու կազմակերպիչներին կաշառելու և առևտրային կամ այլ կազմակերպությունների ծառայողների կողմից լիազորությունները չարաշահելու, կանխիկ դրամական միջոցների և վճարային գործիքների մաքսանենգության ու փաստաթղթի կեղծիքի 1-ական դեպքեր։
Հայտնաբերվել է 2 անհետ կորած, 3 հետախուզվող, կամավոր ներկայացել է 3-ը:
Գրանցվել է զենք-զինամթերքի կամավոր հանձնման 4 դեպք։
Նախկինում կատարված հանցագործություններից բացահայտվել է անձնական ունեցվածքի գողության, մարմնական վնասվածք հասցնելու և խարդախության 1-ական դեպքեր։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 19 պատահար, ինչի հետևանքով 35 մարդ ստացել է տարբեր աստիճանի մարմնական վնասվածքներ: