ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

ՀՀ ոստիկանության պատվիրակությունը Շվեյցարիայում

ՀՀ ոստիկանության պատվիրակությունը Շվեյցարիայում

Մայիսի 3-ից 5-ը Շվեյցարիայի Համադաշնությունում էր գտնվում ՀՀ ոստիկանության պատվիրակությունը՝ Շտաբի պետ, ոստիկանության գեներալ-մայոր Արամ Զաքարյանի գլխավորությամբ: Այցը կազմակերպվել էր ԵԱՀԿ երևանյան գրասենյակի անմիջական աջակցությամբ: Հանդիպման նպատակն էր քննարկել Զինված ուժերի ժողովրդավարական վերահսկողության Ժնևի կենտրոնի և ՀՀ ոստիկանության միջև 2015 թ. համագործակցության արդյունքները, ինչպես և նախանշել 2016 թ. գործողությունների ծրագրի հիմնական ուղղություններն ու կազմակերպման ենթակա միջոցառումները:
Այցի շրջանակներում ոստիկանության պատվիրակությունը մի շարք հանդիպումներ ունեցավ Զինված ուժերի ժողովրդավարական վերահսկողության Ժնևի կենտրոնի գրասենյակում:
Զինված ուժերի ժողովրդավարական վերահսկողության Ժնևի կենտրոնի ղեկավարի տեղակալ, դոկտոր Ֆիլիպ Ֆլյուրիի հետ հանդիպման ընթացքում ամփոփվեցին 2015 թ. ՀՀ ոստիկանության և ԶՈՒԺՎ Ժնևի կենտրոնի միջև ստորագրված տարեկան համագործակցության ծրագրով կատարված աշխատանքները:
Գոհունակությամբ նշելով արձանագրված արդյունքները, կողմերը պատրաստակամություն հայտնեցին շարունակել արդյունավետ համագործակցությունը մի շարք ուղղություններով, մասնավորապես` վերապատրաստումների և կլոր սեղան քննարկումների միջոցով նպաստել ՀՀ ոստիկանության ծառայողների մասնագիտական հմտությունների զարգացմանը, ոստիկանության համակարգում կառավարման արդյունավետության բարձրացմանը, ուժային կառույցներում մարդու իրավունքների և հիմնարար ազատությունների, գենդերային քաղաքականության, ընտանեկան բռնության կանխարգելման վերաբերյալ իրազեկվածության բարձրացմանը և այլն:
Հանդիպումներ կազմակերպվեցին նաև ԶՈՒԺՎ Ժնևի Կենտրոնի Գենդերային քաղաքականության, Ընտանեկան բռնության դեմ պայքարի, միգրացիայի և մարդկանց թրաֆիքինգի բաժիններում, հանգամանալից ներկայացվեցին Կենտրոնի կողմից իրականացվող մի շարք ոստիկանական ծրագրեր:
Այցի արդյունքում քննարկվեց և ստորագրվեց 2016 թ. Զինված ուժերի ժողովրդավարական վերահսկողության Ժնևի կենտրոնի և Հայաստանի Հանրապետության ոստիկանության միջև տարեկան համագործակցության ծրագիրը: