ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Կոլեգիայի նիստ ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)

20.01.2016 18:57 Տարի
Կոլեգիայի նիստ ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)

 Հունվարի 20-ին տեղի ունեցավ ՀՀ ոստիկանության կոլեգիայի նիստ, որը վարում էր ոստիկանության պետ, գեներալ-լեյտենանտ Վլադիմիր Գասպարյանը:
Մասնակցում էին ոստիկանության կոլեգիայի անդամներ, կենտրոնական ապարատի, գլխավոր և մարզային վարչությունների, ծառայությունների, տարածքային ստորաբաժանումների ղեկավարներ:
Օրակարգում ՀՀ ոստիկանության ծառայությունների և տարածքային մարմինների 2015 թվականի օպերատիվ-ծառայողական գործունեության արդյունքների ամփոփումն էր (տեղեկանքը զետեղված է կայքի «Վիճակագրություն» բաժնի «Տարի» ենթաբաժնում):
Ոստիկանության 2015 թվականի գործունեության վերաբերյալ հաշվետու զեկույցով հանդես եկավ ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը:
Անդրադառնալով զեկույցում առաջ քաշված հիմնախնդիրներին՝ ոստիկանության պետը կարևորեց անձնակազմի պրոֆեսիոնալ որակների կատարելագործման և ստորաբաժանումների մշտական փոխգործակցության անհրաժեշտությունը:
Վլադիմիր Գասպարյանը խնդիրը մասնավորեց բնակարանային գողությունների բացահայտման աշխատանքերի օրինակով՝ նշելով, որ հենց պրոֆեսիոնալ պատվախնդրության և տարածքային բաժինների սերտ համագործակցության շնորհիվ տարեվերջին որակապես փոխվեց այդ ուղղությամբ տարվա ընթացքում արձանագրված անհանգստացնող պատկերը:
Վլադիմիր Գասպարյանն ընդգծեց նաև թմրամիջոցների անօրինական շրջանառության հակազդման աշխատանքների արմատական բարելավման առաջնահերթությունը՝ նշելով, որ ցանկացած թերացում ու բացթողում այդ ոլորտում հանցագործություն է ապագայի հանդեպ, քանի որ թմրավաճառների թիրախում հայտնվում են հատկապես անչափահասներն ու երիտասարդները:
Ոստիկանության պետը ծառայությունների ու ստորաբաժանումների պատասխանատուներից պահանջեց առանձնակի ուշադրություն դարձնել ոստիկանության հանդեպ հասարակության հավատի ու վստահության ամրապնդման խնդրին:
Առանձնացնելով հատկապես արտաքին ծառայությունների գործունեությունն այս ուղղությամբ՝ Վլադիմիր Գասպարյանը կարգադրեց առավելագույնս խստացնել կոռուպցիոն ռիսկերի դեմ ուղղված միջոցառումները՝ մասնավորապես Ճանապարհային ոստիկանության համակարգում:
2015 թվականին Ոստիկանության զորքերի գործունեության, բարեփոխումների ընթացքի և այլ խնդիրների վերաբերյալ զեկույցով հանդես եկավ ոստիկանության զորքերի հրամանատար, գեներալ-լեյտենանտ Լևոն Երանոսյանը:
Վլադիմիր Գասպարյանը դրական գնահատեց ոստիկանության զորքերի կատարելագործման ընթացքն ու հաշվետու շրջանում կատարված աշխատանքը: 
Այնուհետև ոստիկանության պետի տեղակալները ներկայացրին իրենց ղեկավարած ոլորտների խնդիրները և առաջարկեցին դրանց լուծման միջոցներ ու եղանականեր:
Անդրադառնալով համակարգի բարեփոխման երկրորդ փուլի ընթացքին՝ Վլադիմիր Գասպարյանը կրկին ընդգծեց, որ դրական արդյունքը գերազանցապես պայմանավորված է նոր ոստիկանի ձևավորումով:
Ոստիկանության պետն ընդհանուր առմամբ դրական գնահատեց մարզային վարչությունների ու ենթակա բաժինների աշխատանքը՝ կարևորելով մշտապես բնակչության կողքին, նրա հոգսերին տեղյակ ու բոլոր միջոցներով աջակից լինելու անհրաժեշտությունը:
Վլադիմիր Գասպարյանը Երևանի կայազորի գործունեությունը գնահատեց մասնավորապես արտաքին ծառայությունների աշխատանքի օրինակով և ծառայությունը որակական նոր աստիճանի բարձրացնելու, հասարակության հետ աշխատանքը հետևողականորեն շարունակելու կոչեց իրավապահներին:
ՀՀ ոստիկանության կոլեգիայի նիստն ամփոփվեց տարվա օպերատիվ-ծառայողական գործունեության արդյունքներով լավագույնը ճանաչված ստորաբաժանումների ու ծառայողների պարգևատրման արարողությամբ:
Ոստիկանության պետ Վլադիմիր Գասպարյանի հրամանով 2015 թվականի լավագույն ստորաբաժանում են ճանաչվել ոստիկանության Երևան քաղաքի վարչության Կենտրոնականի և Տավուշի մարզային վարչության Տավուշի բաժինները:
Խրախուսանքների արժանացան նաև տարվա լավագույն ծառայող ճանաչված ոստիկանները: