ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Մարդու իրավունքներին, արդարադատության, ազատության և անվտանգության հարցերին նվիրված քննարկումներ Բրյուսելում

Մարդու իրավունքներին, արդարադատության, ազատության և անվտանգության հարցերին նվիրված քննարկումներ Բրյուսելում

Մայիսի 29-ին Բրյուսելում կայացավ Հայաստանի և Եվրոպական միության միջև Մարդու իրավունքների շուրջ երկխոսության 8-րդ հանդիպումը: Հայաստանի Հանրապետության պատվիրակությունը գլխավորում էր ՀՀ արտաքին գործերի նախարարի տեղակալ Կարեն Նազարյանը: Նիստին մասնակցում էին նաև ՀՀ նախարարությունների և պետական գերատեսչությունների պաշտոնյաներ և ներկայացուցիչներ, այդ թվում՝ ՀՀ ոստիկանության իրավաբանական վարչության պետի տեղակալ Նելլի Մանանդյանը: Նիստին հրավիրված էր նաև ՀՀ Մարդու իրավունքների պաշտպան Արման Թաթոյանը: ԵՄ պատվիրակությունը գլխավորում էր Արտաքին Գործողությունների Եվրոպական Ծառայության Արևելյան Գործընկերության բաժնի ղեկավար Դիրկ Շուբելը, մասնակցում էին Եվրոպական հանձնաժողովի տնօրինությունների ներկայացուցիչներ:
Երկխոսության ընթացքում արձանագրվեց Հայաստանում մարդու իրավունքների պաշտպանության ոլորտում ձեռք բերված առաջընթացը: Քննարկվեցին փոխադարձ հետաքրքրություն ներկայացնող բազմաթիվ հարցեր, այդ թվում՝ սահմանադրական բարեփոխումների արդյունքում մի շարք օրենքներում իրականացվելիք փոփոխությունների, Մարդու իրավունքների պաշտպանության գործողությունների ծրագրի ընթացքի, ընտրական գործընթացների, քաղաքական ու քաղաքացիական ազատությունների վերաբերյալ:
Մայիսի 30-ին Բրյուսելում ՀՀ միջգերատեսչական պատվիրակության կազմում ՀՀ ոստիկանության իրավաբանական վարչության պետի տեղակալը մասնակցեց նաև ՀՀ արդարադատության նախարարի տեղակալ Վիգեն Քոչարյանի համանախագահությամբ տեղի ունեցած Արդարադատության, ազատության և անվտանգության ոլորտում համագործակցության հարցերով ԵՄ-ՀՀ ենթակոմիտեի նիստին, որի ընթացքում բազմակողմանի քննարկման առարկա դարձան երկկողմանի համագործակցությունը այնպիսի ոլորտներում, ինչպիսիք են՝ դատաիրավական բարեփոխումները, իրավական փոխօգնությունը քրեական գործերով, միգրացիան և սահմանային անվտանգության ապահովումը, վիզային ռեժիմի դյուրացումը և հետընդունման համաձայնագրերի կատարումը, ոստիկանությունում իրականացվող բարեփոխումները, կազմակերպված հանցավորության դեմ պայքարը, այդ թվում՝ մարդկանց թրաֆիքինգի և շահագործման, ահաբեկչության, թմրանյութերի անօրինական շրջանառության, փողերի լվացման դեմ պայքարը, հակակոռուպցիոն քաղաքականության իրագործում և այլ հարցեր։
Հայաստանի և Եվրոպական միության միջև վերահաստատվեց մարդու իրավունքներին առնչվող ուղղություններով համագործակցությունը շարունակելու կամքը: