Ճանապարհատրանսպորտային պատահարներ Հայաստանում

Դեկտեմբերի 22-ին 27-ամյա քաղաքացին ոստիկանություն հաղորդում է տվել, որ դեկտեմբերի 21-ին, ժամը 19.20-ին, Երևանի Ամիրյան փողոցում «Նիսան» մակնիշի մեքենայի անհայտ վարորդը վրաերթի է ենթարկել իրեն:
Կատարվում է քննություն:

***

Դեկտեմբերի 22-ին, ժամը 03.00-ին, Կոմիտասի պողոտայում իրար են բախվել «Կիա» և «Նիսան» մակնիշի մեքենաներ. «Նիսանի» վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Դեկտեմբերի 22-ին, ժամը 08.00-ին, «Օպել» մակնիշի մեքենայի վարորդը Երևանի Զաքարիա Սարկավագի փողոցում վրաերթի է ենթարկել 69-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Դեկտեմբերի 22-ին, ժամը 21.30-ի սահմաններում, «Լեքսուս-470» մակնիշի մեքենան Գեղարքունիք գյուղում դուրս է եկել երթևեկելի գոտուց և բախվել ճամփեզրի տան պատին. վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***

Դեկտեմբերի 22-ին, ժամը 16.10-ի սահմաններում, «ԳԱԶ-3110» մակնիշի մեքենայի վարորդը Հրազդան քաղաքի Կենտրոն թաղամասում վրաերթի է ենթարկել 10-ամյա տղայի և իր մեքենայով տեղափոխել հիվանդանոց:
Կատարվում է քննություն:

***

Դեկտեմբերի 22-ին, ժամը 11.40-ին, «Մերսեդես» մակնիշի մեքենան Տավուշ բնակավայրի վարչական տարածքում դուրս է եկել ճանապարհի երթևեկելի հատվածից և ընկել ձորը. երկու անչափահաս ուղևորները մարմնական վնասվածքներով տեղափոխվել են հիվանդանոց:
Կատարվում է քննություն: