100 հազար ռուբլին գողացած կինը հայտնաբերվեց և ներկայացրեց գողոնը
![100 հազար ռուբլին գողացած կինը հայտնաբերվեց և ներկայացրեց գողոնը 100 հազար ռուբլին գողացած կինը հայտնաբերվեց և ներկայացրեց գողոնը](/timthumb?src=/resources/police/img/news/big/1681980704-4745.jpeg&q=75&w=780&wm=1)
Ապրիլի 18-ին, ժամը 23.45-ին, ոստիկանության Մեծամորի բաժնում գողության վերաբերյալ հաղորդում ստացվեց. քաղաքացին հայտնում էր, որ ապրիլի 18-ի ժամը 19.30-ից ժամը 22.30-ն ընկած ժամանակահատվածում, օգտվելով տանը մարդ չլինելու հանգամանքից, ննջասենյակից գողացել են 100 000 ՌԴ ռուբլի:
Մեծամորի բաժնի ծառայողները ձեռնարկած օպերատիվ-հետախուզական միջոցառումների շնորհիվ պարզեցին գողությունը կատարողի ինքնությունը: Ապրիլի 19-ին Մրգաշատ գյուղի 33-ամյա բնակչուհին հայտնաբերվեց և ներկայացվեց Արմավիրի մարզային քննչական վարչություն: Նա տվել է խոստովանական ցուցմունք և ներկայացրել գողոնը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: