Փաստաթղթերը վերադարձնելու համար 200 եվրո էր պահանջել
![Փաստաթղթերը վերադարձնելու համար 200 եվրո էր պահանջել Փաստաթղթերը վերադարձնելու համար 200 եվրո էր պահանջել](/timthumb?src=/resources/police/img/news/big/1666087383-7342.jpeg&q=75&w=780&wm=1)
Հոկտեմբերի 17-ին ՀՀ-ում Լեհաստանի Հանրապետության դեսպանությունից ստացվել է դիմում, որ Լեհաստանի Հանրապետության քաղաքացին «Մերսեդես» մակնիշի տաքսի ավտոմեքենայում թողել է փաստաթղթերով դրամապանակը: Քաղաքացին զանգել է տաքսու վարորդին ու խնդրել դրամապանակը և փաստաթղթերը փոխանցել Լեհաստանի դեսպանատուն, սակայն տաքսու վարորդը հրաժարվել է՝ պահանջելով 200 եվրո: Ոստիկանության «Զվարթնոց» օդանավակայանի գծային բաժնի քրեական հետախույզների և ՔՈԳՎ ծառայողների համատեղ ձեռնարկած օպերատիվ-հետախուզական միջոցառումների շնորհիվ պարզվել է տաքսու վարորդի ինքնությունը: 48-ամյա տղամարդը հայտնաբերվել և տարվել է «Զվարթնոց» օդանավակայանի գծային բաժին, ապա ներկայացվել է նախաքննական մարմնին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: