Ոստիկանները հայտնաբերեցին հերթական գրպանահատին

Ապրիլի 27-ին, ժամը 17.30-ին, ոստիկանության Մալաթիայի բաժին մի քաղաքացուհուց ահազանգ է ստացվել, որ նույն օրը, ժամը 17.00-ի սահմաններում, թիվ 34 երթուղու միկրոավտոբուսի սրահում պայուսակից գողացել են դրամապանակը, որի մեջ եղել է 16.000 դրամ, Ֆրանսիական ասոցիացիայի վկայական և բանկային քարտեր:
Նույն օրը, ժամը 21.00-ին, ոստիկանության Երևան քաղաքի վարչության գրպանահատության դեմ պայքարի բաժանմունքի և Մալաթիայի բաժնի ծառայողները, իրացնելով օպերատիվ տվյալները, Սեբաստիա փողոցից, գողությունը կատարելու կասկածանքով, բերման են ենթարկել 1967 թ. ծնված Ռուստամ Մ.-ին, որը տվել է խոստովանական բացատրություն:
Գողոնն առգրավված է:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: