3 զոհ, 3 վիրավոր. վթար Կեչուտ գյուղի վարչական տարածքում

Հունիսի 12-ին, ժամը 20.45-ին, ահազանգ է ստացվել, որ Ջերմուկ համայնքի ավազահանքից ոսկու հանք տանող ճանապարհին ավտովթար է եղել: Պարզվել է, որ ժամը 20.30-ի սահմաններում Կեչուտ գյուղի վարչական տարածքում՝ դաշտամիջյան ճանապարհին, «ՈՒԱԶ-469» մակնիշի ավտոմեքենան կողաշրջվել է. 54-ամյա ուղևոր Գարիկ Մաթևոսյանը մահացել է տեղում, իսկ 61-ամյա վարորդ Կամո Առաքելյանը և 74-ամյա ուղևոր Հրանտ Միքաելյանը մահացել են հիվանդանոց տեղափոխելու ճանապարհին: «ՈՒԱԶ-469» 3 ուղևորներ մարմնական վնասվածքներով տեղափոխվել են հիվանդանոց:
Կատարվում է նախաքննություն: