skype-ի միջոցով հերթական ուղիղ կապի ընթացքում արտերկրի մեր հայրենակիցների հարցերին տրվեցին սպառիչ պատասխաններ (ՏԵՍԱՆՅՈՒԹ)
25.11.2014 19:07
Համակարգի լրատու
![skype-ի միջոցով հերթական ուղիղ կապի ընթացքում արտերկրի մեր հայրենակիցների հարցերին տրվեցին սպառիչ պատասխաններ (ՏԵՍԱՆՅՈՒԹ) skype-ի միջոցով հերթական ուղիղ կապի ընթացքում արտերկրի մեր հայրենակիցների հարցերին տրվեցին սպառիչ պատասխաններ (ՏԵՍԱՆՅՈՒԹ)](/timthumb?src=/resources/police/img/news/big/1416928286,1032.jpeg&q=75&w=780&wm=1)
Նոյեմբերի 25-ին ոստիկանության անձնագրային և վիզաների վարչության պետի տեղակալ, ոստիկանության փոխգնդապետ Մնացական Բիչախչյանը սկայպի միջոցով հերթական անգամ պատասխանեց արտերկրի մեր հայրենակիցների հարցերին:
ՀՀ-ում գտնվող քաղաքացին ցանկանում էր տեղեկանալ անձնագրում օտարերկրյա պետությունում վավերականության ժամկետի նշման, անձնագրի վավերականության ժամկետի երկարաձգման համար գանձվող պետական տուրքի չափերը, գործողություն կատարելու ժամկետները: Քաղաքացուն պարզաբանվել է գործող կարգը:
ՌԴ-ում գտնվող քաղաքացին, ում երեխան ծնվել է ՌԴ-ում, և նրա ծվելու պահին ինքը և ամուսինը հանդիսացել են ՀՀ քաղաքացիներ, ցանկանում էր տեղեկանալ՝ երեխայի համար կարող են ստանալ ՀՀ քաղաքացու անձնագիր և արդյո՞ք անձնագիրը կարող են ստանալ օտարերկրյա պետությունում: Պարզաբանվել է, որ գործող կարգի համաձայն՝ եթե երեխայի ծնողները հանդիսացել են ՀՀ քաղաքացիներ, անկախ երեխայի ծնվելու վայրից, վերջինս ձեռք է բերում ՀՀ քաղաքացիություն: Անձնագիր ստանալու համար երեխայի ծնողը կարող է դիմել ինչպես օտարերկրյա պետությունում գտնվող դիվանագիտական ծառայության, այնպես և ՀՀ-ում գտնվելու դեպքում անձնագրային ծառայություն կամ ԱՎՎ:
Իտալիայում բնակվող մեր հայրենակցին հետաքրքրում էր դատվածության վերաբերյալ տեղեկանք ստանալու ընթացակարգը, ինչպես և ծննդյան վկայականը և դատվածության տեղեկանքը ապոստիլով հաստատվելու կարգը: Հաշվի առնելով այն հանգամանքը, որ նշված տեղեկանքը օտարերկրյա պետություն ներկայացնելու համար դիմումները ներկայացվում են ՀՀ արտաքին գործերի նախարարությունում և ապոստիլով հաստատվում են նշված մարմնի կողմից, ուստի ընթացակարգի վերաբերյալ հստակ պատասխան տալու համար տեղում կապ է հաստատվել ԱԳՆ ներքին աուդիտի բաժնի պետի հետ: Վերջինիս կողմից տրվել է հստակ պարզաբանում:
Սկայպի միջոցով հաջորդ ուղիղ կապը տեղի կունենա նոյեմբերի 18-ին՝ Երևանի ժամանակով ժամը 10-ից 12-ը: