«7օr.am» էլեկտրոնային կայքում հրապարակված ««Բարեշրջված» մառազմ» վերտառությամբ հոդվածի կապակցությամբ

«7օr.am» էլեկտրոնային կայքում հրապարակված ««Բարեշրջված» մառազմ» վերտառությամբ հոդվածի կապակցությամբ հայտնում ենք, որ այն չի համապատասխանում իրականությանը, և փաստերն ու իրողությունները խեղաթյուրված են:
Նախ, ճանապարհային ոստիկանության Երևանի հաշվառման-քննական բաժնի կողմից տրանսպորտային միջոցների գրանցման և հաշվառման գործընթացն իրականացվում է ոչ թե մեկ կամ մի քանի պատուհանների («մեկ պատուհանի» սկզբունք), այլ «հոսքագծի» եղանակով` 3 զննության կայանների և 21 սպասարկող օպերատորների միջոցով:
Ինչ վերաբերում է հերթերին, ապա հարկ է նշել, որ դրանք հնարավոր են միայն առավոտյան ժամերին (քաղաքացիների մեծ մասը առավոտյան միաժամանակ են իրենց տրանսպորտային միջոցները ներկայացնում գրանցման և բազմաթիվ ազգականների ուղեկցությամբ), այն էլ մինչև ստորաբաժանման տարածք մուտք գործելը: Իսկ տրանսպորտային միջոցի գրանցման և հաշվառման գործողությունը, ներառյալ՝ հաշվառման համարանիշերի և վկայագրի հատկացումը, զննության պահից սկսած, իրականացվում է 25-30 րոպեի ընթացքում:
 
                                                                                                                                                                                Ճանապարհային ոստիկանություն