Ալավերդու ոստիկանները ապօրինի թմրամիջոց են հայտնաբերել (ՏԵՍԱՆՅՈՒԹ)

Օգոստոսի 23-ին «Կանեփ-կակաչ-2019» համալիր օպերատիվ-կանխարգելիչ միջոցառման շրջանակներում ոստիկանության Թումանյանի բաժնի ծառայողները, ստացված տեղեկություններն իրացնելով, Շամլուղ քաղաքի 57-ամյա մի բնակչի այգում զննությամբ հայտնաբերել են ապօրինի աճեցրած կանեփի 49 թուփ:
Նշվածից զատ, 57-ամյա տղամարդը ոստիկաններին է ներկայացրել ապակե տարայով չորացված կանեփանման կանաչավուն զանգված: Նա հայտնել է, որ հայտնաբերվածը կանեփ է, պատկանել է հանգուցյալ եղբորը:
Հայտնաբերվածն առգրավվել է:
Նշանակվել է փորձաքննություն:
Փաստի առթիվ նախապատրաստվում են նյութեր: