Ախուրյանի ոստիկանները ապօրինի թմրաշրջանառության դեպք են բացահայտել

Ախուրյանի բաժնի համայնքային ոստիկանները ապօրինի թմրանյութ պահելու և օգտագործելու վերաբերյալ տեղեկությունը ստացան փետրվարի 9-ին։ ։

Անմիջապես ձեռնարկվեցին օպերատիվ-հետախուզական միջոցառումներ։ Քիչ անց 56-ամյա կասկածյալը ձերբակալվեց և, իր ավտոմեքենայով հանդերձ, տեղափոխվեց ոստիկանության Ախուրյանի բաժին։
Երևանցի տղամարդը մեքենայի սրահից ինքնակամ ներկայացրեց կանեփանման զանգվածով 2 փաթեթ, իսկ անձնական խուզարկությամբ նրա մոտ հայտնեբերվեց նույն զանգվածով 3 փաթեթ։ 5 փաթեթներում ընդհանուր 132 գրամից ավելի կանեփանման զանգված կար։
Ձերբակալված տղամարդը հայտնեց, որ հայտնաբերվածը հավաքել է կանեփի վայրաճ բույսերից՝ անձնական օգտագործաման համար։
Մեքենան տեղափոխվել է բաժնի պահպանվող հատուկ տարածք։
Տղամարդն ու կազմված փաստաթղթերը ներկայացվել են Ախուրյանի քննչական բաժին։