Ահազանգողի անձը պարզելու նպատակով հարցումներ են կատարվել և նախապատրաստվում են նյութեր

2013 թ. փետրվարի 14-ին «Ժողովուրդ» թերթում տպագրվել է «Հրազդանում իշխանության օգտին մեկ ձայնն արժե 30 հազար դրամ» վերնագրով հոդված, ըստ որի՝ թերթի խմբագրություն է զանգահարել Հրազդան քաղաքի մի բնակչուհի և չցանկանալով հրապարակել իր անուն-ազգանունը հայտնել, որ ՀՀԿ շտաբում իրեն ասել են, որ մեկ ձայնի համար 30.000 դրամ են տալու:

Ահազանգող բնակչուհու անձը պարզելու նպատակով 14.02.2013 թ. հարցումներ են կատարվել «Ժողովուրդ» թերթի խմբագրություն:

Ոստիկանության Հրազդանի բաժնում նախապատրաստվում են նյութեր: