Գլխավոր էջ
ՆՈՐՈՒԹՅՈՒՆՆԵՐ
Օպերատիվ ամփոփագրեր
Զենք-զինամթերքի հայտնաբերում
Ահազանգով մեկնած ոստիկանները Երևանի տարբեր հատվածներից զենք-զինամթերք են հայտնաբերել

Ահազանգով մեկնած ոստիկանները Երևանի տարբեր հատվածներից զենք-զինամթերք են հայտնաբերել

08.10.2013 14:42 Զենք-զինամթերքի հայտնաբերում

Հոկտեմբերի 7-ին, ժամը 16.10-ին, անհայտ քաղաքացուց ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Գարեգին Նժդեհի փողոցում գտնվող թիվ 12 դպրոցի էլեկտրակայանի մոտ զենք է թողնում:

Մեկնած օպերատիվ խումբը հայտնաբերել է ինքնաձիգ, տարբեր տրամաչափի 137 փամփուշտ և 5 ազդանշանային փամփուշտ-հրթիռ:

Հայտնաբերվածն ուղարկվել է փորձաքննության:

Կատարվում է հետաքննություն:

***

Հոկտեմբերի 7-ին, ժամը 15.20-ին, անհայտ քաղաքացուց ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Երևանի Նանսենի փողոցի թիվ 20 շենքի դիմացի այգում զենք է թողնում:

Մեկնած օպերատիվ խումբը նշված վայրից հայտնաբերել է 9 մմ տրամաչափի «GLOCK» տիպի ատրճանակ` դատարկ փամփշտատուփով:

Նշանակվել է դատաձգաբանական փորձաքննություն:

Կատարվում է հետաքննություն:

***

Հոկտեմբերի 7-ին, ժամը 18.15-ին, անհայտ քաղաքացուց ոստիկանության Երևան քաղաքի վարչության օպերատիվ կառավարման կենտրոն հաղորդում է ստացվել, որ զենք-զինամթերք է թողնում «Շախմատի տան» հարակից այգու նստարաններից մեկի տակ:

Մեկնած օպերատիվ խումբը հայտնաբերել է ազդանշանային ատրճանակ, ազդանշանային փամփուշտ և ինքնաձիգի 5,45 մմ տրամաչափի 400 փամփուշտ:

Հայտնաբերվածն ուղարկվել է փորձաքննության:

Նախապատրաստված նյութերն ուղարկվել են Կենտրոնական բաժին:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ահազանգով մեկնած ոստիկանները Երևանի տարբեր հատվածներից զենք-զինամթերք են հայտնաբերել

ՀԻՄՆԱԿԱՆ