ՆԳՆ աշխատակիցների նախաձեռնությամբ կազմակերպվել են ամանորյա միջոցառումներ

Մանուկների ուրախ ճիչ, ջերմ մաղթանքներ և, իհարկե, Ձմեռ պապ։ Հունվարի 12-ին այսպիսի տրամադրություն էր ՆԳ նախարարությունում։ ՆԳՆ տնտեսական վարչության մշակույթի բաժնի նախաձեռնությամբ կազմակերպվել էր Ամանորի միջոցառում։
Միջոցառմանը մասնակցում էին ՆԳ նախարարության Փրկարար ծառայության հոգեբանական աջակցության բաժնի սաները։ Փոքրիկների օրը տոն էին դարձրել Ճգնաժամային կառավարման պետական ակադեմիայի «911» մանկական թատերախումբը, խաղավարն ու Ձմեռ պապը։ Երեխաները երգեցին, պարեցին ու արտասանեցին։
Ձմեռ պապը շնորհավորեց փոքրիկներին Ամանորի ու Սուրբ ծննդյան տոների առթիվ, իսկ միջոցառման ավարտին քաղցրավենիք-նվերներ բաժանեց փոքրիկներին՝ մաղթելով խաղաղ երկինք ու անհոգ մանկություն։
Մշակույթի բաժինը հունվարի 13-ին և 14-ին անակնկալ այցելություն էր կազմակերպել նաև «Հուսո տուն» բարեգործական կենտրոն։ Ձմեռ պապը շնորհավորեց արցախցի երեխաներին և հանձնեց նվերներ։