Աշխատանքային այց՝ Արմավիրի և Արարատի մարզեր
![Աշխատանքային այց՝ Արմավիրի և Արարատի մարզեր Աշխատանքային այց՝ Արմավիրի և Արարատի մարզեր](/timthumb?src=/resources/police/img/news/big/1432731933,5315.jpeg&q=75&w=780&wm=1)
Մայիսի 26-ին ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանն աշխատանքային այցով Արմավիրի մարզում էր, մայիսի 27-ին՝ Արարատի մարզում:
Վերլուծելով մարզային վարչությունների ու ենթակա ստորաբաժանումների օպերատիվ ծառայողական գործունեության արդյունքները՝ Հունան Պողոսյանն անդրադարձավ քրեական հետախուզության գծով ձեռք բերված արդյունքներին՝ նշելով ինչպես ձեռքբերումները, այնպես էլ առկա թերություններն ու բացթողումները: Հունան Պողոսյանը թե՛ ոստիկանության Արմավիրի, թե՛ Արարատի մարզային վարչությունների ու ենթակա ստորաբաժանումների կատարած աշխատանքը գնահատեց բավարար: Միաժամանակ կոնկրետ ցուցումներ տվեց՝ հանձնարարելով ակտիվացնել հատկապես ծանր և առանձնապես ծանր հանցագործությունների բացահայտման ուղղությամբ տարվող աշխատանքները՝ օգտագործելով ոստիկանության տարբեր ծառայությունների ուժեր, իրականացնելով անհրաժեշտ միջոցառումներ՝ հանցավորության դեմ արդյունավետ պայքարի կազմակերպման համար: Նա կարեւորեց նաեւ հանցագործությունների կանխարգելմանն ուղղված միջոցառումները, եւ այդ ուղղությամբ տվեց կոնկրետ հանձնարարականներ, մասնավորապես՝ քրեածին իրավիճակի մշտադիտարկումների, բնակչության հետ համագործակցության եւ այլ ուղղությունների վերաբերյալ: