Աշխատանքների ամփոփում ոստիկանության Երևան քաղաքի վարչությունում (ՏԵՍԱՆՅՈՒԹ)

Հուլիսի 10-ին ոստիկանության Երեւան քաղաքի վարչությունում կայացավ 2017 թվականի  առաջին կիսամյակում  վարչության ծառայությունների եւ տարածքային մարմինների կատարած աշխատանքների ամփոփումը: Նիստը վարում էր ոստիկանության Երեւան քաղաքի  վարչության պետ, ոստիկանության գնդապետ Սարգիս Մարտիրոսյանը: 

Հաշվետու ժամանակահատվածում մայրաքաղաքում լիովին վերահսկվել է օպերատիվ իրավիճակը: Անցած տարվա նույն ժամանակահատվածի համեմատ՝ մայրաքաղաքում  բացահայտման տոկոսում հաշվվող  հանցագործությունների բացահայտման  ցուցանիշը աճել է 14.7 տոկոսով: Ծանր հանցագործությունների բացահայտման ցուցանիշն աճել է  19.1 տոկոսով: Գրանցված հանցագործությունների  աճի  հետ մեկտեղ, 22.5 տոկոսով աճել է բացահայտված դեպքերի թիվը: 

Քննարկվեցին նաեւ արտաքին ծառայության, հասարակական կարգի ապահովման, անձնակազմի  մասնագիտական  որակների կատարելագործման, ինչպես  եւ ծառայողական քննության ներկայացված աշխատակիցների հետ կապված խնդիրներ: 

Ամփոփելով 2017 թվականի  առաջին կիսամյակը՝ ոստիկանության Երեւան քաղաքի վարչության պետ Սարգիս Մարտիրոսյանը,  մատնանշեց առկա  թերացումներն ու բացթողումները,  տվեց համապատասխան հանձնարարականներ՝ նշելով, որ օպերատիվ  գործունեության հետ մեկտեղ, հետագա  աշխատանքներում կարեւորվելու են ծառայողական պարտականությունների պատշաճ կատարման, մասնագիտական գիտելիքների խորացման խնդիրները: