Աշտարակի ոստիկանները խուզարկությամբ պայթուցիկ և թմրամիջոցներ են հայտնաբերել

Օգոստոսի 15-ին ոստիկանության Աշտարակի բաժնի ծառայողները հարուցված քրեական գործի շրջանակներում, դատարանի որոշմամբ, խուզարկություն են կատարել Բյուրական գյուղի տներից մեկում և օժանդակ շինություններում:
Իրավապահները խուզարկությամբ հայտնաբերեցին մոտ 6 կգ պայթուցիկ, երկու փամփուշտ, մեկ պարկուճ և պոլիէթիլենային տոպրակով ու փաթեթով
յուրահատուկ հոտով, չորացված մանրացված զանգված:
Տանտերը հայտնել է, որ բուսական զանգվածները կանեփից պատրաստված թմրամիջոց են, ինքն է պատրաստել իր օգտագործման համար, իսկ պայթուցիկն ու փամփուշները պատկանել են հանգուցյալ հորը:
Հայտնաբերվածն առգրավվել, փաթեթավորվել և ուղարկվել է վարույթն իրականացնող մարմնին` համապատասխան փորձաքննություններ նշանակելու համար: