Ապօրինի ծառահատումների դեմ պայքարը շարունակվում է

Ոստիկանության ստորաբաժանումները շարունակում են պայքարը ապօրինի ծառահատումների դեպքերը բացահայտելու և դրանք կանխարգելելու ուղղությամբ:
Ոստիկանության կազմակերպված հանցավորության դեմ պայքարի գլխավոր վարչության և տարբեր ստորաբաժանումների ծառայողների կողմից սեպտեմբերի 1-ին անցկացված ստուգումների ընթացքում կանգնեցվել են մի շարք ավտոմեքենաներ, որոնցում հայտնաբերվել են ապօրինի հատված ծառեր: Պատկերը հետևյալն է.
ոստիկանության Կենտրոնականի բաժին` մոտ 10.3 խմ,
ոստիկանության Ապարանի բաժին` մոտ 106.5 խմ,
ոստիկանության Սևանի բաժին` մոտ 12.5 խմ,
ոստիկանության Սպիտակի բաժին` մոտ 206 խմ,
ոստիկանության Հրազդանի բաժին` մոտ 19.1 խմ,
ոստիկանության Կոտայքի բաժին` մոտ 11 խմ,
ոստիկանության Դիլիջանի բաժին` մոտ 55.5 խմ, 4000 հատ փայտե արկղի կիսապատրաստուք:
Ընդհանուր հայտնաբերվել է 425 խմ փայտ:
Պատճառված վնասի չափը պարզվում է:
Հայտնաբերված բոլոր դեպքերով կատարվում է քննություն: