Ապարանի ոստիկանները գողության դեպքեր են բացահայտել

Ոստիկանության Ապարանի բաժնի քրեական հետախույզները օպերատիվ տեղեկություն էին ստացել. Ապարան քաղաքի Բաղրամյան փողոցի՝ զինկոմիսարիատի նախկին շենքից 31-ամյա մի տղամարդ տարբեր օրերի գողացել էր տախտակներ, գերաններ, երկաթյա ամրաններ և մեքենայով տեղափոխել իր բնակության վայր։
Օպերատիվ տեղեկություն էին ստացել նաև բաժնի համայնքային ոստիկանները։ Նույն շենքից 67-ամյա մի տղամարդ մայիս ամսվա տարբեր օրերի գողացել էր տախտակներ, ապա դրանք տեղափոխել իր տանը կից բացօթյա տարածք։
Համայնքային ոստիկանների հաջորդ տեղեկությունը դարձյալ նույն վայրից տախտակների գողության մասին էր. 61-ամյա մեկ այլ տղամարդ գողացել և դրանք տեղավորել էր իր տան խորդանոցում։
Տղամարդիկ ձերբակալվել և տեղափոխվել են ոստիկանության Ապարանի բաժին, ապա կազմված փաստաթղթերի հետ ներկայացվել նախաքննական մարմին։