Ապօրինի զրկել էին ազատությունից և սպառնալիքներ հնչեցրել. Կենտրոնականի ոստիկանների բացահայտումը
![Ապօրինի զրկել էին ազատությունից և սպառնալիքներ հնչեցրել. Կենտրոնականի ոստիկանների բացահայտումը Ապօրինի զրկել էին ազատությունից և սպառնալիքներ հնչեցրել. Կենտրոնականի ոստիկանների բացահայտումը](/timthumb?src=/resources/police/img/news/big/1645168295-9438.jpeg&q=75&w=780&wm=1)
Փետրվարի 16-ին ոստիկանության Կենտրոնական բաժին դիմած օտարերկրյա քաղաքացիները հաղորդում էին տվել, որ փետրվարի 5-ի ժամը 22.30-ից կեսգիշերն ընկած ժամանակահատվածում Գրիգոր Լուսավորչի փողոցի ակումբներից մեկի անվտանգության աշխատակիցները, ակնհայտ անհամապատասխան հաշիվը վճարելու շուրջ ծագած խնդրի պատճառով, իրենց մեկուկես ժամ ապօրինի զրկել են ազատությունից և հնչեցրել ծանր մարմնական վնասվածք պատճառելու սպառնալիքներ:
Ոստիկանության Կենտրոնական բաժնի քրեական հետախույզների ձեռնարկած միջոցառումների արդյունքում փետրվարի 16-ին, ժամը 22.20-ին, Գրիգոր Լուսավորչի փողոցում հայտնաբերվել և, անձին ազատությունից ապօրինի զրկելու կասկածանքով, բերման են ենթարկվել ակումբի անվտանգության 28-ամյա աշխատակիցն ու օտարերկյա 34-ամյա մի քաղաքացի:
Դեպքի առթիվ հարուցվել է քրեական գործ՝ ՀՀ քրեական օրենսգրքի 133-րդ (Ազատությունից ապօրինի զրկելը) և 212-րդ (Սպառողներին խաբելը) հոդվածների մեղադրանքով:
Բերման ենթարկվածները ձերբակալվել են:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: