Գավառի ոստիկանները ապօրինի թմրաշրջանառության դեպք են բացահայտել

Գավառի քրեական հետախույզները տեղեկություններ էին ստացել, որ Սարուխան գյուղի 42-ամյա մի բնակիչ ապօրինի թմրաշրջանառությամբ է զբաղվում: Մարտի 7-ին նրանք կասկածվողին հայտնաբերեցին, ձերբակալեցին ու բաժին տեղափոխեցին: 42-ամյա տղամարդու խուզարկությամբ հայտնաբերվեց մարիխուանայի նմանվող զանգված: Բացի այդ, տղամարդն իր առանձնատան տանիքից ոստիկաններին ներկայացրեց մոտ 800 գրամ քաշով կանեփի բույսեր, ալյումինե տարա և թղթե փաթեթ՝ լցված կանեփանման զանգվածով:
Հանգամանքները նախաքննությամբ պարզվում են: