Արտաշատի ոստիկանները Վերին Դվին գյուղում ապօրինի պահվող հրացան են հայտնաբերել

Ոստիկանության Արտաշատի բաժնի անչափահասների գործերով և ընտանիքում բռնության կանխարգելման բաժանմունքում տեղեկություն էր ստացվել, որ Վերին Դվին գյուղի բնակիչներից մեկը տանն ապօրինի զենք-զինամթերք է պահում:
Ոստիկաններն այցելեցին 53-ամյա տղամարդու տուն: Տանտերը ոստիկաններին ներկայացրեց առանց համապատասխան փաստաթղթերի «ԻԺ-17» տեսակի 16 մմ տրամաչափի հրացան: Հայտնաբերվածն ուղարկվել է փորձաքննության:
Հանգամանքները պարզվում են: