Ապօրինի ծառահատման համար անտառապահին 100 հազար դրամ էր տվել
![Ապօրինի ծառահատման համար անտառապահին 100 հազար դրամ էր տվել Ապօրինի ծառահատման համար անտառապահին 100 հազար դրամ էր տվել](/timthumb?src=/resources/police/img/news/big/1701847240-1887.jpeg&q=75&w=780&wm=1)
ՆԳՆ ոստիկանության Իջևանի բաժնի քրեական հետախույզները դեկտեմբերի 5-ին, իրացնելով օպերատիվ տեղեկությունը, պարզել են, որ Տավուշի մարզի Լուսաձոր գյուղի 69-ամյա մի բնակիչ, առանց համապատասխան փաստաթղթերի ծառահատում կատարելու համար, հունիս-օգոստոս ամիսներին «Սևքար անտառտնտեսության» Աչաջրի անտառպետության անտառապահին յուրաքանչյուր անգամ վճարել է 10 հազար դրամ: Ձեռնարկված միջոցառումներով պարզվել է, որ նշված ժամանակահատվածում լուսաձորցի տղամարդը Աչաջրի անտառպետության անտառապահի վերահսկողության տակ գտնվող պահաբաժնից ապօրինի հատել է տարբեր տեսակի թաց կանգուն 50 ծառ և իր «ԳԱԶ-66»-ով տեղափոխել է փայտանյութը և անտառապահին որպես կաշառք տվել է ընդհանուր 100 հազար դրամ:
Անտառապահը ձերբակալվել է:
Նա և կազմված փաստաթղթերը ներկայացվել են վարույթ իրականացնող մարմին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: