Ապօրինի թմրաշրջանառության մեղադրանքով հետախուզվողը հայտնաբերվեց

Քրեական ոստիկանության գլխավոր վարչության ծառայողները, Արարատի մարզային վարչության, Արտաշատի և Թումանյանի բաժինների ոստիկանների հետ ձեռնարկած օպերատիվ-հետախուզական միջոցառումների արդյունքում, մարտի 3-ին Արարատի մարզի Ազատավան բնակավայրում հայտնաբերել, ձերբակալել և ոստիկանության Արտաշատի բաժին են տեղափոխել անցած տարվա նոյեմբերից հետախուզվող 49-ամյա մի տղամարդու:
Լոռու մարզի 41-ամյա բնակիչը 2021 թ. հուլիսին իր պատրաստած թմրամիջոցները լցրել էր ծխախոտի տուփի մեջ ու տարել քրեակատարողական հիմնարկ՝ պատիժը կրող որդուն փոխանցելու, ինչը, սակայն չէր հաջողել: Քրեակատարողական հիմնարկի աշխատակիցները խուզարկությամբ հայտնաբերել էին թմրանյութը: 49-ամյա տղամարդը ներգրավվել էր որպես մեղադրյալ։ Նրա նկատմամբ հայտարարվել էր հետախուզում:
Նախաքննությունը շարունակվում է: