ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Ավազակային հարձակում Դավիթաշենում. ամուսիններից գումար և ոսկեղեն են հափշտակել

27.10.2014 12:11 Ավազակություն

Հոկտեմբերի 26-ին, ժամը 22.05-ին, ոստիկանության Մաշտոցի բաժնի Դավիթաշենի բաժանմունքում  ահազանգ է ստացվել, որ Դավիթաշենի 3-րդ թաղամասի տներից մեկի վրա զենքով հարձակում է կատարվել:
Մեկնած օպերատիվ խումբը պարզել է, որ հոկտեմբերի 26-ին, ժամը 21.00-ի սահմաններում, 2 անհայտ անձինք մտել են Դավիթաշենի 3-րդ թաղամասի թիվ 59/3 տուն և զենքի սպառնալիքով կպչուն ժապավենով կապելով տան բնակիչներ՝ 1956 թ. ծնված Սվետլանա Ղ.-ի և նրա ամուսնու՝  1949 թ. ծնված Վաչագան Դ.-ի ձեռքերը, տնից հափշտակել են 2.470 եվրո, 1.005 դոլար, 100.000 դրամ, ոսկյա զարդեր և  բջջային 3 հեռախոս` պատճառելով 1.880.000 դրամի նյութական վնաս:
Կատարվում է նախաքննություն:

 

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: