Ավազակային հարձակման անհաջող փորձ. 26-ամյա երիտասարդը հայտնաբերվել է

Ոստիկանության Շենգավիթի բաժնի քրեական հետախույզները, ավազակային հարձակում կատարելու կասկածանքով, օգոստոսի 24-ին, ժամը 05.20-ին, Բագրատունյաց և Արարատյան փողոցների խաչմերուկում ձերբակալել և բաժին են ներկայացրել 26-ամյա մի երիտասարդի: Պարզվել է, որ նա դիմակավորված մտել է վարկային կազմակերպություններից մեկի Բագրատունյաց փողոցի մասնաշենք և «Ֆ-1» տեսակի նռնակի սպառնալիքով փորձել գումար հափշտակել, սակայն կազմակերպության աշխատակիցների կողմից ազդանշանային համակարգը միացնելու պատճառով հանցագործությունն ավարտին չի հասցրել և դիմել է փախուստի:
26-ամյա երիտասարդը ներկայացվել է նախաքննական մարմին:
Նախաձեռնվել է քրեական վարույթ: