Կենտրոնականի ոստիկանները ավազակության դեպք են բացահայտել
![Կենտրոնականի ոստիկանները ավազակության դեպք են բացահայտել Կենտրոնականի ոստիկանները ավազակության դեպք են բացահայտել](/timthumb?src=/resources/police/img/news/big/1666683369-9228.jpeg&q=75&w=780&wm=1)
Հոկտեմբերի 20-ին, ժամը 21.24-ին, ոստիկանության օպերատիվ կառավարման կենտրոն զանգած քաղաքացին հայտնել էր, որ մայրաքաղաքի Ավագ Պետրոսյան փողոցում անհայտ անձը խփել է մի օտարերկրացու և հափշտակել նրա բջջային հեռախոսը:
Դեպքի վայր մեկնած ոստիկանության Կենտրոնական բաժնի ծառայողներին տուժող օտարերկրացին հաղորդում է տվել:
Ոստիկանության Կենտրոնական բաժնի ծառայողները ձեռնարկած օպերատիվ-հետախուզական միջոցառումների արդյունքում պարզել են ավազակությունը կատարած անձի ինքնությունը: Հոկտեմբերի 24-ին 17-ամյա պատանին Աբովյան փողոցում հայտնաբերվել, ավազակություն կատարելու հիմնավոր կասկածով ձերբակալվել և տեղափոխվել է ոստիկանության Կենտրոնական բաժին: Անձնական խուզարկությամբ նրա մոտ հայտնաբերվել է հափշտակած բջջային հեռախոսը:
17-ամյա պատանին ներկայացվել է նախաքննական մարմնին:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: