Մալաթիայի ոստիկանները ավազակության դեպք են բացահայտել

Սեպտեմբերի 12-ին, ժամը 01.41-ին, ոստիկանության Մալաթիայի բաժին հաղորդում տված 58-ամյա տղամարդը հայտնել է, որ սեպտեմբերի 11-ի ժամը 15.00-ին Իսակովի պողոտայում ոմն Արսեն ձեռքերով և ոտքերով բազմաթիվ հարվածներ է հասցրել իրեն՝ պատճառելով մարմնական վնասվածքներ, ապա հափշտակել է 35.000 դրամ, ՀՀ և ՌԴ անձնագրերը և բջջային հեռախոսը:

Ոստիկանության Մալաթիայի բաժնի քրեական հետախույզների ձեռնարկած միջոցառումների շնորհիվ պարզվել է արարքը կատարողի ինքնությունը: 43-ամյա տղամարդը Իսակովի պողոտայի շենքերից մեկի հարակից վագոն-տնակում հայտնաբերվել, ձերբակալվել և բերվել է բաժին: Նա ներկայացվել է նախաքննական մարմին:
Կատարվում է նախաքննություն: