ՀՀ ՆԳՆ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:

Ավազակություն Թաթուլ Կրպեյանի անվան զբոսայգում. ոստիկանները կասկածյալին բերման են ենթարկել

06.06.2019 11:15 Ավազակություն

Հունիսի 5-ին, ժամը 18.47-ին, ոստիկանության Նոր Նորքի բաժին մի տղամարդուց հաղորդում է ստացվել, որ Գայի պողոտային հարակից Թ.Կրպեյանի անվան այգում իր վրա հարձակվել, ծեծել և պոկել են պարանոցի շղթան:
Մեկնած օպերատիվ խումբը պարզել է, որ անհայտ անձը գլխով հարվածել է տղամարդու դեմքին՝ հոնքի շրջանում պատճառելով վնասվածք, պոկել է պարանոցի ոսկյա շղթան և փորձել փախչել:
Ոստիկանության Երևան քաղաքի վարչության ՊՊԾ գնդի 2-րդ վաշտի ծառայողները ժամը 19.00-ին նշված զբոսայգուց, ավազակություն կատարելու կասկածանքով, ոստիկանության Նոր Նորքի բաժին բերման են ենթարկել 46-ամյա տղամարդու (նախկինում ՀՀ քրեական օրենսգրքի 175 հոդվածի 2-րդ մասի 4-րդ կետի և 235 հոդվածի 4-րդ մասի հատկանիշներով դատապարտված):
Նշանակվել է ԴԲՓ:
Բերման ենթարկվածը ձերբակալվել է:
Կատարվում է նախաքննություն:

 

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: