Ավտոմասի գողությունը բացահայտվեց

Օգոստոսի 29-ին, ժամը 18.30-ին, Մասիսի քրեական հետախույզները, գողություն կատարելու կասկածանքով, իր տնից բերման են ենթարկել Արգավանդ գյուղի բնակիչ 49-ամյա մի տղամարդու: Նա տվել է խոստովանական բացատրություն, որ երկու օր առաջ իրենց գյուղի կենտրոնական փողոցի մի տան դիմաց լցված ավտոմեքենաների օգտագործված պահեստամասերի միջից գողացել է «Մերսեդեսի» ղեկային համակարգ և տեղափոխել իր տան բակ:
Ղեկային համակարգը վերցվել է: Նախապատրաստվում են նյութեր: