Ավտոմեքենա վաճառել և փախուստի է դիմել

14.01.2013 12:12 Խարդախություն

Հունվարի 13-ին, ժամը 16.00-ին, ոստիկանության Շենգավիթի բաժին է դիմել 1954 թ. ծնված Աշոտ Գ.-ն և հայտնել, որ 2012 թ. դեկտեմբերի 20-ին Վրաստանի Ռուսթավի քաղաքի ավտոշուկայից գնել է «Մերսեդես C» մակնիշի ավտոմեքենա, որը գնելուց հետո նույն ավտոշուկայում ցանկացել է վաճառել: Ավտոշուկայում նա ծանոթացել է 1961 թ. ծնված Ռադիկ Ե.-ի հետ, ով ցանկացել է գնել իր ավտոմեքենան 3.400 դոլարով: Վերջինիս հետ ընդհանուր համաձայնության գալով, որ ավտոմեքենայի գումարը կվճարի ս/թ հունվարի 8-ին Նորագավիթ թաղամասում գտնվող մաքսակետում, ավտոմեքենան մաքսազերծելու ժամանակ, և համաձայնվելով Ռադիկ Ե.-ի հետ` Ռուսթավի քաղաքի նոտարական գրասենյակում նրան տվել է լիազորագիր, հանձնել ավտոմեքենան ու վերադարձել Հայաստան:

Ս/թ հունվարի 8-ին Աշոտ Գ.-ն պարզել է, որ Ռադիկ Ե.-ն Հայաստանում իր ավտոմեքենան առանց իր իմացության Էրեբունու ավտոշուկայում 3.500 դոլարով վաճառել է 1982 թ. ծնված Վիգեն Ս.-ին և դիմել փախուստի:

Ձեռնարկվում են միջոցառումններ Ռադիկ Ե.-ին և ավտոմեքենան հայտնաբերելու ուղղությամբ:

Հանգամանքները պարզվում են:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ավտոմեքենա վաճառել և փախուստի է դիմել

ՀԻՄՆԱԿԱՆ