Ավտոմեքենան ամբողջությամբ այրվել է

Մայիսի 26-ին, ժամը 01.05-ին,  ՀՀ ԱԻՆ «Գուգարք» ՀՓՋ-ից  ոստիկանության Վանաձորի բաժնում հաղորդում է ստացվել, որ Համբարձումյան փողոցի թիվ  9 շենքի դիմաց այրվում է 1988 թ. ծնված Էդգար Մ.-ի  վարած «Ֆոլքսֆագեն Վենտո» մակնիշի ավտոմեքենան:
Մեկնած օպերատիվ խումբը պարզել է, որ նույն օրը, ժամը 00.30-ի սահմաններում,  Էդգար Մ.-ի  վարած  ավտոմեքենայում ընթացքի ժամանակ շարժիչի հատվածում կրակ է բռնկվել,  ինչի հետևանքով ավտոմեքենան ամբողջությամբ այրվել է:
Վնասի չափը պարզվում է:
Լոռու մարզի հրդեհային և տեխնիկական անվտանգության տեսչության կողմից կատարվում է հետաքննություն: