Ավտովթար չէր եղել

Հուլիսի 4-ին, ժամը 9.25-ին, շտապօգնության կայանից ոստիկանության Տարոնի բաժնում  հաղորդում էր ստացվել, որ «գլխի և դեմքի կտրված վերքեր, ձախ ձեռքի հեմատոմա» ախտորոշմամբ տանը բուժօգնություն է ստացել և հիվանդանոց տեղափոխվել 1959 թ. ծնված Անդրանիկ Ա.-ն:

Մեկնած օպերատիվ խումբը պարզել է, որ Անդրանիկ Ա.-ն վնասվածքը ստացել է նույն օրը, ժամը 4.00-ի սահմաններում, իրեն անծանոթ տաքսի ավտոմեքենայի վարորդի կողմից Շիրակի խճուղու սկզբնամասում վթարի ենթարկվելու հետևանքով:

Նշանակվել է ԴԲՓ:

Ձեռնարկված օպերատիվ-հետախուզական և քննչական գործողությունների շնորհիվ պարզվել է, որ Անդրանիկ Ա.-ի վնասվածքներն ավտովթարի հետևանք չեն:

Բացատրական աշխատանքների շնորհիվ Լոռու մարզի քննչական վարչություն է ներկայացվել 1958 թ. ծնված Գագիկ Մ.-ն և հաղորդում տվել, որ հուլիսի 3-ին, ժամը 15.00-ի սահմաններում, Կ.Դեմիրճյան փողոցի թիվ 23 հասցեում գտնվող, չգործող սրճարանի տարածքում, վիճաբանության ժամանակ, 1965 թ. ծնված Մարտուն Խ.-ն ձեռքերով, ոտքերով և փայտով հարվածներ է հասցրել իր դեմքին, Անդրանիկ Ա.-ի և Բենիամին Դ.-ի մարմիններին՝ պատճառելով վնասվածքներ:

Նշանակվել են ԴԲՓ-ներ:

Քննությունը շարունակվում է: