Տղամարդու մոտ «Մակարով» մարտական ատրճանակ կար
![Տղամարդու մոտ «Մակարով» մարտական ատրճանակ կար Տղամարդու մոտ «Մակարով» մարտական ատրճանակ կար](/timthumb?src=/resources/police/img/news/big/1680336398-7432.jpeg&q=75&w=780&wm=1)
Մարտի 31-ին, ժամը 19.10-ին, ոստիկանության Կենտրոնական բաժնի քրեական հետախույզները ստացված օպերատիվ տվյալներն իրացրին Երևան քաղաքի վարչության հատուկ նշանակության գումարտակի ծառայողների հետ: Նրանք ապօրինի զենք-զինամթերք պահելու և կրելու կասկածանքով մայրաքաղաքի Խորենացու փողոցում ձերբակալեցին ու բաժին տեղափոխեցին 44 և 31 տարեկան երկու տղամարդու՝ վերջինիս վարած «Տոյոտա»-ով հանդերձ։ Խուզարկությամբ 31-ամյա տղամարդու պայուսակում հայտնաբերվեց 9 մմ տրամաչափի «Մակարով» տիպի մարտական ատրճանակ՝ լիցքավորված 8 փամփուշտով։
Տղամարդիկ և կազմված փաստաթղթերն ուղարկվել են քննչական բաժին:
Հանգամանքները քննությամբ պարզվում են։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: