Երիտասարդի պայուսակում լիցքավորված ատրճանակ կար
23.08.2023 12:41
Արձանագրված դեպքեր
![Երիտասարդի պայուսակում լիցքավորված ատրճանակ կար Երիտասարդի պայուսակում լիցքավորված ատրճանակ կար](/timthumb?src=/resources/police/img/news/big/1700212613-7958.jpeg&q=75&w=780&wm=1)
Օգոստոսի 22-ին, ժամը 00.05-ի սահմաններում, ՆԳՆ ոստիկանության ՊԾ Երևանի գնդի 2-րդ գումարտակի 2-րդ վաշտի ծառայողները ահազանգի հետքերով մեկնել են Տիտոգրադյան փողոց: Շենքերից մեկի հետնամասում նկատել են երեք երիտասարդի, որոնցից մեկը ոստիկաններին տեսնելով՝ փորձել է նետել պայուսակն ու աննկատ հեռանալ: Պարեկները, վիճաբանության և ապօրինի զենք-զինամթերք պահելու կասկածանքով, ձերբակալել և ոստիկանության Էրեբունու բաժին են ներկայացրել երիտասարդներին: Բաժնում նրանցից մեկի պայուսակում հայտնաբերվել է թմբուկավոր ատրճանակ՝ լիցքավորված 4 փամփուշտով:
Նախաձեռնվել է քրեական վարույթ: