Աշտարակցի երիտասարդի մոտ լիցքավորված ատրճանակ կար

ՆԳՆ ոստիկանության ՊԾ Արագածոտնի մարզի պարեկները ապրիլի 24-ի ժամը 20.50-ին Աշտարակ քաղաքի Գեղազնիկի փողոցում ստուգման նպատակով կանգնեցրել են «ՎԱԶ-21015» մակնիշի մի մեքենա: Աշտարակցի 37-ամյա վարորդը պարեկներին է ներկայացրել թմբուկավոր ատրճանակ: Նա ապօրինի զենք կրելու կասկածանքով ձերբակալվել և տեղափոխվել է ոստիկանության Աշտարակի բաժին, որտեղ պարզվել է, որ ատրճանակը գազային է՝ լիցքավորված 6 փամփուշտով:
Երիտասարդը և կազմված փաստաթղթերը ներկայացվել են Արագածոտնի մարզային քննչական վարչություն: