Արկը պայթեցվել և վնասազերծվել է

Հունիսի 12-ին, ժամը 20.00-ին, ոստիկանության Կոտայքի բաժնում  հաղորդում է ստացվել, որ  Արզնի գյուղի տարածքում հողը վարելիս արկի նմանվող առարկա են հայտնաբերել:
Մեկնած օպերատիվ խումբը նշված վայրում հայտնաբերել է  մոտ 40 սմ երկարության, 80 մմ տրամաչափի, կոռոզիայի ենթարկված, անհայտ տեսակի արկ, որը հրավիրված ինժեներասակրավորային գումարտակի խմբի կողմից ժամը 21.43-ին պայթեցման եղանակով վնասազերծվել է:
Կատարվում է հետաքննություն: