Արմավիրի ոստիկանները հայտնաբերել են թմրանյութ

Ոստիկանության Արմավիրի բաժնի քրեական հետախույզները թմրանյութ ապօրինի պահելու և օգտագործելու վերաբերյալ տեղեկությունն իրացրին մայիսի 18-ին: Արմավիր քաղաքի Սայաթ-Նովայի փողոցում նրանք ձերբակալեցին 54 և 50 տարեկան երկու տղամարդու և, մեքեայով հանդերձ, տեղափոխեցին բաժին: 54-ամյա ուղևորի անձնական խուզարկությամբ հայտնաբերվեց դեղնականաչավուն զանգվածով փաթեթ: Ըստ նրա` հայտնաբերվածը թմրանյութ է, պատրաստել էր իր հողամասում աճած կանեփի թփերից:
Արմավիրի մարզային քննչական վարչությունում նախաձեռնվել է քրեական վարույթ, հանգամանքները պարզվում են: