Արմավիրի ոստիկանները՝ թմրամոլության դեմ

Արմավիրի քրեական հետախույզները, օպերատիվ տեղեկություններն իրացնելիս, հուլիսի 23-ին զննել են Արմավիրի մարզի Հայկավան գյուղի բնակիչ, 34-ամյա մի տղամարդու տնամերձ հողամասը: Տան բակին հարակից ծաղկանոցում հայտնաբերվել է կանեփի բույսի նմանվող, ծայրերը պոկված երկու թուփ, իսկ կիսակառույց շինությունում՝ մանրացված, կիսաչոր մոտ 221 գրամ կանեփանման զանգված:
Զննության ընթացքում անցկացված բացատրական աշխատանքի շնորհիվ տանտերը ներկայացրել է նաև չորացված, մանրացված, սուր հոտով, մոտ հինգ գրամ կանեփանման զանգված:
Նա հայտնել է, որ հայտնաբերվածը պատկանում է իրեն, պատրաստել է իր օգտագործման համար:
Հայտնաբերվածը փաթեթավորվել և կնքվել է՝ փորձաքննության ուղարկելու համար:
Նախապատրաստվում են նյութեր: