Արջուտ գյուղում տնակ է այրվել

Մարտի 26-ին, ժամը 14.50-ին, ոստիկանության Գուգարքի բաժնում հաղորդում է ստացվել, որ Արջուտ գյուղում տնակ է այրվում:
Մեկնած օպերատիվ խումբը պարզել է, որ նույն օրը, ժամը 14.30-ի սահմաններում, 1927 թ. ծնված Ղուշիկ Հ.-ի տնակի մոտակայքում չոր խոտածածկույթ է այրվել, որտեղից կրակը տարածվել և այրվել է նաև տնակը:
Հրդեհը մարվել է ժամը 16.30-ին, մարտական մեկ հաշվարկի ուժերով:
Նյութերով զբաղվում է Լոռու մարզային հրդեհային տեսչությունը: