Բազումի համայնքային ոստիկանները կանխեցին գողությունը
![Բազումի համայնքային ոստիկանները կանխեցին գողությունը Բազումի համայնքային ոստիկանները կանխեցին գողությունը](/timthumb?src=/resources/police/img/news/big/1639818824-3113.jpeg&q=75&w=780&wm=1)
Դեկտեմբերի 17-ին ոստիկանության Բազումի բաժնի համայնքային ոստիկանները տեղեկություն էին ստացել, որ 29-ամյա մի տղամարդ պատրաստվում է Վանաձոր քաղաքի Տիգրան Մեծի պողոտայի վճարային տերմինալներից գողություն անել:
Ձեռնարկված միջոցառումների արդյունքում ժամը 4.30-ի սահմաններում Տիգրան Մեծի պողոտայի վճարային տերմինալի մոտ համայնքային ոստիկանները նկատել էին դիմակավորված անձի, որը մետաղյա լինգով փորձում էր կոտրել վճարային տերմինալն ու գողություն անել: Ոստիկանները կանխել էին հանցագործությունը և տղամարդուն բերման ենթարկել ոստիկանության Բազումի բաժին:
Կատարվում է քննություն։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: