Կողոպուտ մայրաքաղաքում. ոստիկանների բացատրական աշխատանքի արդյունքում կասկածյալը ներկայացել է բաժին

Ապրիլի 2-ին, ժամը 02.30-ին, ոստիկանության Կենտրոնական բաժին մի քաղաքացուհուց ահազանգ էր ստացվել, որ իրենց շենքի մոտ մի երիտասարդի ձեռքին նկատել է ատրճանակի նմանվող իր, երիտասարդն իր ձեռքից հափշտակել է պայուսակը:
Մեկնած օպերատիվ խմբին քաղաքացուհին հաղորդում է տվել, որ նույն օրը, ժամը 01.50-ին, Նալբանդյան փողոցի 50 և 96 շենքերի մոտակայքում անհայտ անձը, ում ձեռքին նկատել է ատրճանակի նմանվող իր, բացահայտ հափշտակել է իր պայուսակը, որի մեջ եղել է անձնագիրը, արծաթյա իրեր, հարդարման պարագաներ, բանկային ու սոցիալական քարտեր:
Ոստիկանության Երևան քաղաքի վարչության ծառայողները, օպերատիվ տվյալներն իրացնելով, պարզել են, որ նշված կողոպուտը կատարել է 1997 թ. ծնված Սերգեյ Ա.-ն, որը բացատրական աշխատանքների շնորհիվ ապրիլի 6-ին, ժամը 13.30-ին, ներկայացել է ոստիկանության Կենտրոնական բաժին:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: