Բախման հետևանքով վարորդներից մեկը տեղում մահացել է, իսկ ուղևորը տեղափոխվել է հիվանդանոց

Ապրիլի 12-ին, ժամը 17.10-ի սահմաններում, «Օպել Աստրա» մակնիշի ավտոմեքենան Կապան-Քաջարան ճանապարհի 14-րդ կմ-ին բախվել է «Մերսեդես Բենց» մակնիշի ավտոմեքենայի. «Մերսեդես Բենց»-ի 41-ամյա վարորդ Հովհաննես Պետրոսյանը տեղում մահացել է, իսկ «Օպել Աստրա»-ի 41-ամյա ուղևորը մարմնական վնասվածքներով տեղափոխվել է հիվանդանոց:
Ժամը 18.00-ին «Օպել Աստրա»-ի վարորդը ներկայացել է ոստիկանության Կապանի բաժին: Նա և ուղևորը գտնվել են ալկոհոլի ազդեցության տակ և ի վիճակի չեն եղել բացատրություն տալու: