Բաղրամյանի բաժնի ոստիկանները հետախուզվողին հայտնաբերեցին Կողբավանում
![Բաղրամյանի բաժնի ոստիկանները հետախուզվողին հայտնաբերեցին Կողբավանում Բաղրամյանի բաժնի ոստիկանները հետախուզվողին հայտնաբերեցին Կողբավանում](/timthumb?src=/resources/police/img/news/big/1631260103-6581.jpeg&q=75&w=780&wm=1)
Ոստիկանության Բաղրամյանի բաժնի ծառայողների ձեռնարկած միջոցառումների շնորհիվ սեպտեմբերի 9-ին Կողբավան գյուղի վարչական տարածքում հայտնաբերվել և բաժին բերման է ենթարկվել 36-ամյա Գևորգ Ե.-ն, որը հուլիսի 2-ից ոստիկանության Արաբկիրի բաժնի կողմից հետախուզվում էր ՀՀ քրեական օրենսգրքի 243.1-րդ հոդվածի (Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը կամ այդ անձի կողմից ոչ սթափ վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը) մեղադրանքով:
Հայտնաբերման մասին տեղյակ է պահվել հետախուզումը նախաձեռնողին:
Գևորգ Ե.-ն տեղափոխվել է ոստիկանության Արաբկիրի բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: