Վնասվածքը դանակահարության հետևանք էր. Մալաթիայի ոստիկանների բացահայտումը
![Վնասվածքը դանակահարության հետևանք էր. Մալաթիայի ոստիկանների բացահայտումը Վնասվածքը դանակահարության հետևանք էր. Մալաթիայի ոստիկանների բացահայտումը](/timthumb?src=/resources/police/img/news/big/1712907087-6662.jpeg&q=75&w=780&wm=1)
Ապրիլի 1-ի գիշերը՝ ժամը 2.26-ին, ՆԳՆ ոստիկանության օպերատիվ կառավարման կենտրոն հաղորդում էր ստացվել, որ գոտկային շրջանի ծակած-կտրած վերքով «Աստղիկ» բժշկական կենտրոն բուժօգնության է դիմել 18-ամյա մի երիտասարդ: Նա հայտնել էր, որ վնասվածքը ստացել է իրենց շենքի մոտ ընկնելու հետևանքով: Ոստիկանության Մալաթիայի բաժնի քրեական հետախույզների ձեռնարկած օպերատիվ-հետախուզական միջոցառումների շնորհիվ, սակայն, պարզվել է, որ վիճաբանության ժամանակ նրան դանակով հարվածել էր 16-ամյա պատանին:
Բաբաջանյան փողոցի բնակիչ 16-ամյա պատանին բացատրական աշխատանքի արդյունքում ապրիլի 11-ին ներկայացել է ոստիկանության Մալաթիայի բաժին և խոստովանել կատարվածի վերաբերյալ:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: