ԲԱՑԱՀԱՅՏՈՒՄ. ոստիկանները հայտնաբերեցին Հակոբ Կոջոյանի բրոնզե կիսանդրին գողացողին
11.02.2015 10:00
Համակարգի լրատու
![ԲԱՑԱՀԱՅՏՈՒՄ. ոստիկանները հայտնաբերեցին Հակոբ Կոջոյանի բրոնզե կիսանդրին գողացողին ԲԱՑԱՀԱՅՏՈՒՄ. ոստիկանները հայտնաբերեցին Հակոբ Կոջոյանի բրոնզե կիսանդրին գողացողին](/timthumb?src=/resources/police/img/news/big/1423649762,6996.jpeg&q=75&w=780&wm=1)
Հունվարի 4-ին ոստիկանության Երևան քաղաքի վարչության օպերատիվ կառավարման կենտրոնից Կենտրոնականի բաժնում ահազանգ էր ստացվել, որ Երևանի Պուշկինի փողոցի թիվ 62 շենքի մոտ տեղադրված հուշարձանի վրայից գողացել են Հակոբ Կոջոյանի բրոնզե կիսանդրին:
Ոստիկանության ծառայողների ձեռնարկած օպերատիվ-հետախուզական և որոնողական լայնածավալ միջոցառումների արդյունքում՝ հանցագործությունը բացահայտվել է:
Փետրվարի 3-ին ոստիկանության Կենտրոնականի բաժնի ծառայողները, հիշյալ գողությունը կատարելու կասկածանքով, բերման են ենթարկել 1988 թ. ծնված Արտակ Ա.-ին:
Վերջինս տվել է խոստովանական ցուցմունք:
Կատարվում է քննություն: