Արմավիրի մարզի պարեկները ապօրինի թմրաշրջանառության դեպքեր են բացահայտել

Արմավիրի մարզի պարեկները Էջմիածնի Զվարթնոց թաղամասում ծառայություն կատարելիս նկատել են կասկածելի վարքագիծ դրսևորող մի տղամարդու: Գեղակերտ գյուղի 41-ամյա բնակիչը ձերբակալվել և տարվել է ոստիկանության Վաղարշապատի բաժին: Խուզարկությամբ նրա մոտ հայտնաբերվել է շուրջ 3,5 գրամ մարիխուանայով փաթեթ։
Դեկտեմբերի 1-ին Արմավիրի մարզի պարեկները Էջմիածնի Մաշտոցի փողոցում ծառայություն կատարելիս ստուգման նպատակով կանգնեցրել են 32-ամյա երիտասարդի վարած մեքենան: Պարզվել է, որ էջմիածինցի երիտասարդը վարորդական իրավունքի վկայական չուներ: Բացի այդ, պարեկները նրա մոտ նկատել են դեղնականաչավուն զանգված: Վարորդը ապօրինի թմրանյութ պահելու և օգտագործելու կասկածանքով ձերբակալվել և, մեքենայով հանդերձ, տեղափոխվել է ոստիկանության Վաղարշապատի բաժին: Խուզարկությամբ նրա մոտ հայտնաբերվել է շուրջ 12 գրամ մարիխուանայով 2 փաթեթ։
Երկու դեպքով էլ կատարվում է նախաքննություն։