Դավիթաշենի ոստիկանները նախկինում կատարված գողության դեպք են բացահայտել

Հուլիսի 30-ին ոստիկանության Մաշտոցի բաժին մի քաղաքացուց հաղորդում էր ստացվել, որ ժամը 01.30-ից 08.00-ն ընկած ժամանակահատվածում գողացել են Դավիթաշենի 4-րդ թաղամասի շենքերից մեկի բակում կայանված իր «Պորշ» մակնիշի մեքենայի լուսարձակները և վնասել մեքենայի անվաթևերը:
Ոստիկանության Դավիթաշենի բաժանմունքի քրեական հետախույզների ձեռնարկած միջոցառումների արդյունքում օգոստոսի 18-ին Արաբկիրի փողոցից, գողությունը կատարելու կասկածանքով, Դավիթաշենի բաժանմունք բերման է ենթարկվել 34-ամյա մի տղամարդ, որը տվել է խոստովանական բացատրություն:
Ձեռնարկվում են միջոցառումներ՝ գողոնը հայտնաբերելու ուղղությամբ:
Նախապատրաստվում են նյութեր: